Rais Magufuli ahaidi kuchomoa upinzani

Rais wa Jamhuri ya Muungano wa Tanzania, Dk John Pombe Magufuli amefunguka na kuahidi kuwa bado ataendelea kuchomoa baadhi ya watu katika vyama vya siasa nchini huku akisema ataacha vilaza tu kwenye vyama hivyo. 

Rais Magufuli

Rais Magufuli amesema hayo leo alipokuwa kwenye ziara mkoani Tabora katika viwanja vya Ali Hassan Mwinyi na kusema maendeleo ya nchi hayana vyama ndiyo maana ameweza kuchangua baadhi ya viongozi kutokea upinzani na kudai kuwa zoezi hilo litakuwa endelevu.

"Maendeleo hayana chama ndiyo maana unaona nimeweza kuteuwa baadhi ya viongozi kutoka tena kwenye chama kidogo, na nitaendelea kuchomoa watu wenye akili akili kutoka kwenye vyama mbalimbali nitawaacha vilaza huko huko" alisema Rais Magufuli 

Hata hivyo ali Prof. Kitila Alexander Mkumbo ambaye ni mwanachama wa ACT- Wazalendo ambaye sasa ni Katibu Mkuu wa Wizara ya Maji alifunguka na kusema kuwa Rais Magufuli amevunja mwiko wa serikali kuwa ikiongozwa na watu kutoka chama kimoja baada ya kumteua yeye kuwa Katibu Mkuu wa Maji pamoja na aliyekuwa Mwenyekiti wa ACT Wazalendo Bibi Anna Elisha Mghwira ambaye sasa ni Mkuu wa Mkoa wa Kilimanjaro.