Willian asema Fred amejiunga na Timu kubwa Duniani..

Kiungo wa Chelsea – Willian ambaye pia ni mmoja wa  wachezaji wanaounda timu ya taifa ya Brazil, amesema Fred amejiunga na timu bora duniani.

Fred ambaye pia yupo na kikosi cha timu ya taifa ya Brazil, anajiunga na Manchester United akitokea Shakhtar Donetsk ya Ukraine.

“Atawaongezea vitu muhimu Manchester United. Anakwenda katika moja ya timu kubwa duniani,” alisema Willian.

“Ana furaha kubwa kuja Premier League, tuliongea machache juu ya hilo”, aliongeza Willian na kufichua kuwa alimpa ushauri Fred kabla ya uhamisho wake huo.