Kiungo Fundi wa Simba amalizana nao Rasmi...

Kiungo mshambuliaji wa Simba na timu ya taifa ya Tanzania Taifa Stars, Shiza Kichuya ameongeza mkataba wa miaka miwili kuendelea kukitumikia kikosi hicho ambacho ni mabingwa wa VPL 2017/18.

Mkataba huo wa Kichuya na Simba una kipengele cha kuuzwa muda wowote akipata timu nje ya nchi.

Baada ya kumalizana na Simba Kichuya ataondoka kesho kuelekea Kenya kea ajili ya kujiunga wachezaji wenzake kwa ajili ya mashindano ya Sportpesa Super Cup.

Mashindano hayo yanatarajiwa kuanza kesho Jumalili ya June 03 hadi June 10, ambapo wanatarajiwa kucheza mchezo wao wa kwanza Jumatatu ya June 04 dhidi ya Kariobangi Sharks.

Mshindi wa michuano hiyo atapata kombe na fedha dola 30,000 sawa na 69M na pia atapata tiketi ya kwenda kucheza mchezo na Everton katika uwanja wa Goodison Park England.

Mshindi wa pili katika michuano hiyo atapata kitita cha dola 10,000 sawa 23M, Mshindi wa tatu atapata dola 7500 sawa 17M, mshindi wa nne dola 5000 sawa 11M, huku timu zote zitapata dola 2500 sawa 6M kila moja hii ni kwa ajili ya maandalizi ya mchezo.

Mashindano hayo yataruka Live kupitia vituo vya Star Spots na Star TV kutoka kin’gamuzi cha Continental, kingine ni Sports Focus ni kutoka kin’gamuzi cha Star Times.