Rais wa Zanzibar aahidi zawadi kwa Zanzibar Heroes, Wizara husika kushiriki kikamilifu katika fainali leo

Rais  wa Zanzibar na Mwenyekiti wa Baraza la Mapinduzi Dk. Ali Mohammed Shein ametoa salamu za pongezi kwa vijana wa timu ya taifa Zanzibar  heroes kwa hatua  nzuri waliyoifikia  kuingia  fainali katika mashindano ya CECAFA yanayoendelea nchini Kenya.

Akizungumza na Waandishi wa habari kwa niaba ya Rais wa Zanzibar Waziri wa Habari, Utalii, Utamaduni na Michezo Rashid Ali Juma amesema kutokana na hatua iliyofikia timu hiyo kwa jitihada waliyoiyonesha  vijana hao katika michuano hiyo  Dk. Shein chini ya serikali yake ameahidi kuwapa zawadi vijana wa Zanzibar heroes  pindi watakapo rejea Zanzibar.

Amesema  kutokana na uwezo  waliouonesha wachezaji wa timu hiyo serikali imeadhimia  kutoa  tunzo maalum kwa vijana hao pamoja na kuwatengezea mazingira  bora  katika uimarishaji wa  timu hiyo pamoja na sekta ya michezo hapa Zanzibar.

Hata hivyo Rashid amesema endapo timu hiyo itarudi Zanzibar na kombe la ushindi  kupitia michuano hiyo  Dk. Shein amesema atatoa zawadi mara mbili yake na aliyoiahidi kwa vijana wa heroes.

Amesema serikali  chini ya Wizara  yenye dhamana ya michezo itashiriki kikamilifu  katika fainali ili kuipa  motisha timu hiyo huko nchini Kenya na  wataandaliwa mazingira mazuri ya usafiri watakapo maliza mashindano hayo  ili kurejea  nyumbani Zanzibar.

Serikali imesema itaziendeleza timu zake za taifa zote zikiwemo  timu za mipira za miguu,mipira  ya mikono  na mashindano mengine yote.

Amina Omar Zanzibar24