HUYU JAMAA KACHEZA SOKA MIAKA 25, HAKUPEWA KADI

Straika wa zamani wa timu ya taifa ya England, Gary Lineker.

STRAIKA wa zamani wa timu ya taifa ya England, Gary Lineker, ndiye mchezaji anayeshikilia rekodi ya kuwa mcheza soka ambaye kwenye maisha yake ya soka hakuwahi kupewa kadi ya aina yoyote ile, yaani si njano wala nyekundu.
Lineker ambaye kwa sasa ni mchambuzi wa soka, katika maisha yake yote ya soka kuanzia 1978 mpaka anastaafu 1994, hakuwahi kuonyeshwa kadi ya aina yoyote na timu alizozichezea ni Leicester City, Everton, Barcelona, Tottenham Hotspur, Nagoya Grampus Eight pamoja na timu ya taifa ya England.
Alionekana ni muungwana sana uwanjani, hivyo Shirikisho la Soka la Kimataifa (Fifa), mwaka 1990 lilimpa Tuzo ya Fair Play. Inaonekana ni ngumu sana kwa mchezaji kutopewa hata kadi ya njano, lakini huyu jamaa ameweza kufanya hivyo.