Singida United yamvuta Batambuze

Klabu ya Singida United ambayo nayo inaendelea na usajili katika kuimarisha kikosi chake ambacho msimu mpya wa Ligi Kuu Bara kitakuwa kikicheza na timu mbalimba za Ligi Kuu baada ya timu hiyo kupanda daraja na kuingia Ligi Kuu. 

Singida United wamekwea pipa mpaka nchini Kenya katika klabu ya Tusker FC na kumchukua kiungo wa kimataifa Shafik Batambuze raia wa Uganda ambaye anakipiga katika klabu hiyo ya Kenya.
Tusker FC wamethibitisha kiungo wao huyo kujiunga na klabu ya Singida United kwa mkataba wa mwaka mmoja, lakini pia Singida United pia wamethibitisha taarifa hizo baada ya kupost taarifa ambayo imewekwa na klabu ya Tusker FC kuonyesha kuwa mchezaji huyo atatua Singida kuongeza nguvu katika kikosi hicho.
Batambuze anakuwa mchezaji wa kwanza kujiunga na Singida United baada ya kumkosa aliyekuwa goli kipa namba moja wa Azam FC, Aisha Manula.