Mashabiki wa Everton wamshambulia Lukaku

Wakati klabu ya Everton inajiandaa kuja nchini Tanzania kwa safari iliyodhaminiwa na kampuni ya Sports Pesa, mshambuliaji wa klabu hiyo Romelo Lukaku amejikuta akipokea kichambk cha kutosha kutoka kwa mashabiki wa klabu hiyo.

Ishu iko hivi, kama unakumbuka mshambuliaji huyo wa Ubelgiji tayari imethibitishwa kwamba hataongeza mkataba na klabh hiyo lakini sehemu ambayo atakwenda msimu ujao bado haijawa wazi kama ni Chelsea au Manchester United.

Sasa Lukaku alipost video hapo jana katika ukurasa wake wa Instagram akionekana kuchukua mazoezi katika kiwanja ambacho kimezungukwa na picha zinazoonekana kama Logo za klabu ya Chelsea.

Kitendo cha Lukaku kupost video hiyo kiliwakera sana mashabiki wa Everton na kumuona kama msaliti na kuanza kushusha mvua ya lawama na matusi wakimwambia kwamba ni msaliti na asiye na nidhamu.

Wengine walimuambia kwamba yeye sio bora sana kama anavyojifikiria, huku wengine wakimshukuru kwa aliyowatendea katika klabu hiyo lakini wakimtuhumu kwamba anaondoka kwa njia isiyo na nidhamu kabisa.

Klabu ya Everton watakuwa nchini Tanzania tarehe 13 ambapo watacheza mechi katika uwanja wa taifa uliopo Temeke na homa ya ujio huo imeshaanza kutanda kila kona ya jiji na nchi yetu.