DONE DEAL: Mohamed Salah anarudi England

Baada ya kushindwa kutamba na club Chelsea ya England kama ilivyokuwa akiichezea FC Basel ya Uswiss Mohamed Salah alilazimika kukubali kutolewa kwa mkopo kwa kushinda kujihakikishia nafasi ya kudumu Stamford Bridge.

Salah alitolewa kwa mkopo katika club za Fiorentina na AS Roma kabla ya mwaka 2016 AS Roma kuamua kumsajili jumla, good news iliyonifikia leo ni kuwa Mohamed Salah amefanikiwa kurudi England kwa kusajiliwa na Liverpool akitokea AS Roma kwa dau la pound milioni 34.
Mshambuliaji huyo mwenye umri wa miaka 25 amejiunga na Liverpool kwa mkataba wa miaka mitano ” Nitajitoa kwa asilimia 100 kwa ajili ya hii club nataka kushinda mataji na club hii, tuna timu nzuri na wachezaji wazuri nilikuwa nikiangalia msimu uliyopita kila mchezaji alikuwa juu kwa asilimia 100″ >>> Salah