Ommy afungukia 'ubize' wa mastaa

 

Msanii Omary Nyembo 'Ommy Dimpoz' amefunguka na kuweka wazi kwamba mastaa wengi wanapenda kujipa u - bize wasiokuwa nao kwa sababu tayari wameshakuwa na majina makubwa mjini.

Ommy Dimpoz

Ommy amefunguka hayo kwenye 'story' tatu  ya Planet Bongo ndani ya East Africa radio na kusema kuwa wasanii mkubwa wanapotafutwa na msanii mdogo kwa ajili ya kazi mara nyingi hujivalisha u-bize wasiokuwa nao kwa sababu tu tayari ni staa.

"Msanii mkubwa ni mkubwa tuu, kuna wakati unaweza kumpigia simu akakwambia nipo bize kuna ishu naifanya kumbe miyeyusho tu, labda kalala zake anachati. Wasanii wengi wakubwa wanajipa ubize wasiokuwa nao. Kusema suala la kufanya kazi na msanii mdogo mi nadhani unaweza kufanya tuu kinachomata zaidi ni kazi nzuri." - Ommy alifunguka.